Entry (09/16/2015)

Hay nako, ano ba namang buhay ito. Hindi ko na talaga maintindihan itong nararamdaman ko. May tiwala naman ako sa kanya, pero bakit parang ramdam ko nawawala na. Parang sinira niya yung tiwala ko. Sa totoo lang ang sweet nila ng bestfriend niya, oo nagseselos ako. Lalo na nung sinabihan ako ng babaeng yun na unfair ako at matigas daw ulo ko. Hindi ko naman kasi hinihingi ang opinyon niya, at hindi kami magkakilala para sabihan niya ako ng ganon. At hindi naman ako yung taong basta-basta magpapakontrol sa isang tao, hindi naman ako hayop o robot. At hindi naman ako nagpapaalam sa boyfriend ko, ipinaaalam ko lang, pumayag siya o hindi nasa kanya na iyon; basta wala akong ginagawang mali.

Pero kasi sobra na ee, alam namin ang facebook account ng isa't-isa. So meaning nababasa lahat doon, nakikita lahat. Simpleng chat ko lang sa kaibigan ko ginagawan na niya ng issue. Nanghihina na ako, lagi nalang kami nagtatalo. Sinabi ko naman sa kaniya nung una palang na iba ako, na wag syang gumawa ng bagay na dahilan para magbago ako. Nasabi ko din a kanya na wag niya akong babaguhin, ramdam ko pinipilit nya padin sarili nya na baguhin ako ng ayon sa gusto nya; hindi niya ba alam na mas lalo akong lalayo sa kanya? Gusto ko na bumitiw pero syempre umaasa pa din naman ako na magiging okay pa, na baka kaya pa, na baka pwede pa. 

Alam niyang may blog ako, pero wala siyang pakelam dito, wala rin syang balak hanapin ito, kaya okay lang na maglabas ako ng saloobin ko dito. Kasi ang hirap niya kausap, nangyayari nauuwi kami sa pagtatalo, iginigiit nyang mas tama sya, tapos maiinis ako, ewan ko ba, nawawalan na ako ng gana. Minsan naiisip ko, tama bang sinagot ko sya; hindi ko na alam kasi. Ang daming bagay na hindi ko gusto pero, ginagawa niya. Ang childish niya pero hinahayaan ko yun, may pagka-immature sya, pero sinabihan ko na sya. Ang hirap kasi magkaiba kami ng way na nakasanayan, at ang gusto nya mangyari maranasan ko kung paano sya nasanay, kung ano ang ginagawa niya. 

Gusto ko ng space, gusto ko ng peace of mind. Lahat nalang kasi ng gagawin ko at ginagawa ko inaalam niya, pati oras ng pag-uwi ko kailangan umuwi ako agad, kailangan magsasabi ako ng oras, dinaig niya pa magulang ko. Ang hirap hirap, sakal na ako :( Ano bang gagawin ko ? Haaayssss

Entry (09/23/2015)

Sobrang bigat ng nararamdaman ko, ayoko kasi sa lahat ng pakiramdam ko, ginagawa akong tanga. Hindi naman kasi ako tanga. Yung bang ipinamumukha sakin na hindi ko kayang alagaan ang sarili ko. Hindi naman ako taong kulang sa pag-iisip.

Ang ikinasasama lang ng loob ko ay sobra na maghigpit. Wag naman kasi pati mga kaibigan ko ilayo niya sa akin. Kasi naranasan ko na iyon sa dati kong naging boyfriend, the worst one. Halos lahat ng tao sa paligid ko inalis niya. Lahat ng malapit sa akin, inilayo nya. Hindi naman masama magbawal, wag lang sobra sobra, at iayos naman sana. Buti ba kung palagi kong ginagawa, kaso hindi e, months, year, bago ko gawin ulit. bakit naman ganoon?

Tapos malalaman ko, yung bestfriend nya na ipapakilala sa akin ay hinusgahan na ako. Ang unfair ko daw. Hindi naman niya ako kilala, hindi niya alam lahat ng pinagdadaanan ko para sabihin iyon. Sana hindi ganoon. Ayokong mag-away kami, pero wala ee. Siya ang may mali, pero pinalalabas niyang ako ang may kasalanan. Lagi nalang ba ako  mag-aadjust?

Siya na tama? Ako na mali? Ang masakit kasi sa sinabi ng bestfriend niya, ay ang unfair ko daw, at martir ang boyfriend ko. Nasaktan ako doon. Tapos, hindi ko ramdam na ipinagtanggol niya ako.